افغان طالبان دی قیدی رہا کرن دے بدلے جنگ بندی دی پیشکش
کابل( پنجابی میڈیا گروپ)افغان طالبان نے قیدیاں دی رہائی دے بدلے3مہینیاں لئی سیزفائر دی پیشکش کردتی اے۔
غیر ملکی خبر رساں ادارے دے مطابق طالبان نے افغان حکومت نوں جیلاں وچ موجود طالبان قیدیاں دی رہائی دے بدلے3مہینیاں لئی سیز فائر دی پیش کش کیتی اے۔افغان حکومت ولوں طالبان نال امن مذاکرات وچ شامل نمائندہ نادر نادری نے رپورٹراں نوں دسیا کہ طالبان نے تقریبا7ہزار قیدیاں دی رہائی دا مطالبہ کردئیاں ہوئیاں آکھیا کہ طالبان دے اہم رہنماواں دے نام اقوام متحدہ دی بلیک لسٹ توں وی کڈے جان لیکن ایہ اک بوہت وڈا مطالبہ اے۔
واضح رہے کہ افغانستان وچ امریکا تے اتحادی فوج دے انخلا تون بعد طالبان نے افغان فوج نوں پیچھے کر ئیاں ہوئیاں کئی ضلعیاں دا کنٹرول حاصل کرلیا اے،ایس دے علاوہ افغان سرحداں اُتے وی طالبان تیزی نال قابض ہورہے نیں جد کہ کئی شہراں دا کنٹرول حاصل کرن لئی طالبان تے افغان فورسز وچ شدید جھڑپاں جاری نیں۔





















