عمران خان تے نواز شریف دا نام سُن دئیاں ہی کَنبدا اے : مریم نواز
تحصیل بلوچ(پنجابی میڈیا گروپ)نائب صدر مسلم لیگ ن تے پچھلے وزیراعظم نوازشریف دی دھی مریم نواز نے آکھیا کے پہلاں عمران خان نے مقبوضہ کشمیر نوں مودی دی جھولی وچ پایا۔ ہن ایہدی نظر آزاد کشمیر اتے اے۔ عمران خان اتے نواز شریف دا ناں سن کے ای کپکپی طاری ہوجاندی اے۔الیکشن وچ ہار نظر آن اتے ہن ایہناں انتخابی اصلاحات یا دآرہیاں نیں۔ پاکستان مسلم لیگ نون دی نائب صدر مریم نواز نے تحصیل بلوچ وچ جلسے دے نال دھواں دھار خطاب کردیاں ہویاں آکھیا اے کہ مقبوضہ کشمیر دا مقدمہ ہارن دے بعد ہن ایہدی نظراں آزاد کشمیر اتے نیں۔مریم نوازہوراں نے اپنے خطاب وچ آکھیا کہ اگر عمران خان نے کشمیر وچ سرکاربنائی تے ایتھوں دے پہاڑ وی گروی رکھ دیوے گا۔ نوازرشریف دے بنائے ہوئے منصوبیاں نوں گروی رکھن دی سازش کررہے نیں۔ اوہناں نے مزیدآکھیا ا ے وزیراعظم عمران خان نے کشمیر نوں ویچن دی سازش امریکہ وچ بیٹھ کے رچائی۔ کشمیر بھارت دی جھولی وچ پا کے دو منت خاموشی داآکھدے نیں۔ ہن آزاد کشمیر وچ وی ووٹ نوں عزت دیو دے نعرے گونج رہے نیں۔





















