پٹرول5روپے40پیسے فی لیٹر ودھ گیا
اسلام آباد( پنجابی میڈیا گروپ)وزیراعظم نے پٹرول دی فی لیٹر قیمت5روپے40پیسے ودھا دتی۔
میڈیادے مطابق حکومت نے وڈی عید توں پہلاں ہی عوام اُتے وڈا پیٹرول بم سُٹ دتا،تے پیٹرول دی فی لیٹر قیمت5روپے40پیسے ودھا دتی۔اوگرا ولوں پٹرول دی قیمت11.40روپے فی لیٹر ودھان دی تجویز دتی گئی سی۔
معاون خصوصی شہبازشریف گل ولوں جاری بیان دے مطابق وزیراعظم ولوں ڈیزل دی قیمت2.54روپے فی لیٹر،کیروسین دی قیمت1.39روپے فی لیٹر تے لائٹ ڈیزل دی قیمت1.27روپے فی لیٹر دی اجازت دتی گئی اے۔پیٹرولیم مصنوعات دیاں نویاں قیمتاں اُتے عمل اج رات12وجے توں ہوئے گا۔
اوگرا تجویز دے مطابق پٹرول دی قیمت نہ ودھانا تیعوام نوں ودھ توں ودھ ریلیف دین لئی ایس فیصلے دے نتیجے وچ پین والا بوجھ حکومت آپئی برادشت کرے گی۔
واضح رہے کہ پچھلے دناں اوگرا ولوں پیٹرولیم مصنوعات دیاں قیمتاں ساڑھے گیارہ روپے فی لیٹر ودھان دی تجاویز دتی گئی سی۔ پیٹرولیم ڈویژن دے ذرائع نے دسیا کہ اوگرا ولوں ہائی اسپیڈ ڈیزل دی قیمت2روپے40پیسے،پیٹرول دی قیمت ساڑھے گیارہ روپے،مٹی دے تیل دی قیمت ڈیڑھ روپے تے لائٹ ڈیزل دی قیمت1روپیہ40پیسے ودھان دی تجویز دتی گئی سی۔





















