کورونا دی چوتھی لہربھارتی قسم ورگی اے، اسد عمر

اسلام آباد( پنجابی میڈیا گروپ) نیشنل کمانڈ اینڈ آپریشن سنٹر(این سی او سی) دے سربراہ اسد عمر نے اک واری فیئر لوکائی نوں خبردار کردیاں ہویاں آکھیا اے کہ پاکستان وچ کورونا دی بھارتی قسم پھیلن دا خدشہ اے،تے ایہہ قسم دنیا دی سبھ توں خطرناک قسم اے۔ سائنسدان فلسفے دی بنیاداتے نہیں حقائق دی بنیاد اتے خبردار کر رہے نیں۔ پاکستان وچ ویکسی نیشن کران والیاں دی تعداد انتہائی قلیل اے،تفصیلات دے مطابق جمعہ نوں وزیراعظم دے معاون خصوصی برائے صحت فیصل سلطان دے ہمراہ پریس کانفر نس کردیاں ہویاں سربراہ این سی اوسی اسد عمر داآکھنا سی کہ ملک وچ 18سال توں زائد عمر دے ساڑھے 12 کروڑ توں زائد لوکائی نیں ، ہنی تیک 2 کروڑ 21 لکھ ویکسین دی خوراکاں لگ چکیاں نیں ،تے 4 دناں توں یومیہ ویکسی نیشن دی تعداد 5 لکھ توں زیادہ اے۔وفاقی وزیر نے مزیدآکھیا کہ سائنسدان فلسفے دی بنیاداتے نہیں حقائق دی بنیاد اتے خبردار کر رہے نیں۔ پاکستان وچ ویکسی نیشن کران والیاں دی تعداد انتہائی قلیل اے۔پاکستان وچ ویکسین نہ لگوان والے 333 افراد وچ اک شخص نوں کورونا ہویا، جد کہ ویکسین دی اک ڈوز لگوان والے1250 لوکائی وچ اک شخص نوں کورونا ہویا،تساں ویکسین نہیں لگوائی تے تہان 4 گنا زیادہ خطرہ اے۔

اپنا تبصرہ گھلو