اپوزیشن حکومت اُتے نکتہ چینی کرے لیکن ایس دی وی کوئی حد ہندی اے:شاہ محمود قریشی
لہور( پنجابی میڈیا گروپ)وزیر خارجہ شاہ محمود قریشی دا کہنا ایکہ اپوزیشن دا کم حکومت اُتے نکتہ چینی کرنا اے لیکن ایس دی وی کوئی حد ہندی اے۔
میڈیا نال گل بات کر دئیاں شاہ محمود قریشی ہوراں آکھیا کہ ملک دی سیاسی جماعتاں دے درمیان اختلاف دے باوجود مسئلہ کشمیر دے حوالے نال ہم آہنگی اے تے اینج ہی رہنا چاہیدا اے،کشمیر اُتے ساڈا اک ہی موقف رہیا اے،ساڈی پارلیمنٹ نے ایس حوالے نال متفقہ قرارداداں پیش کتیاں ۔ساہنوں ایس معاملے اُتے سمجھداری نال اگے ودھنا اے،الیکشناں دے دوران وقتی طور اُتے اک سیاسی اُبال آندا اے،ایس وچ سخت جملے وی آکھے جاندے نیں،کوشش کیتی جانی چاہیدی اے ایس توں پرہیز کیتا جائے، اپنے امیدوار دی حمایت اُتے سیاسی جماعت دا حق ایلیکن ذاتی حملیاں تے اینج دیاں گلاں توں پرہیز کرنا چاہیدا اے جس نال پاکستان دا موقف کمزور پئے۔
Load/Hide Comments





















