انور مقصود نے اسد عمر نوں بہترین اداکار تے شیخ رشید نوں بہترین کامیڈین آکھ دتا

کراچی( پنجابی میڈیا گروپ)ملک دے معروف مصنف،مزاح نگار،ادیب،شاعر تے دانشور انور مقصود نے اسد عمر نوں بہترین اداکار تے شیخ رشید ولوں بہترین کامیڈین قرار دتا گیا اے۔
نجی ٹی وی چینل دے میزبان وسیم بادامی نے پچھلے دناں اپنے پروگرام الیون آور دیاں کجھ مختصر جھلکیاں سوشل میڈیا اُتے شیئر کتیاں۔وسیم بادامی دے شو وچ انور مقصود تے اوہناںکے بیٹے بلال مقصود بطور مہمان شریک ہوئے۔جیتھے اوہناں نے میزبان دے نال خوب گپ شپ کیتی۔
میزبان نے انور مقصود توں پُچھیا کہ تہاڈے خیال وچ پاکستان دا بہترین ڈراما نگار کون اے؟انور مقصود نے جواب دتا جس نے خواب ویکھیا سی علامہ اقبال۔ بلال مقصود نے جواب دتا میں ڈراما نگار بارے نہیں بلکہ بہترین ہدایت کار بارے دسنا چاہواں گا تے میرے نیڑے ساحرہ کاظمی بہترین ہدایت کارہ نیں۔
میزبان وسیم بادامی نے دوناں توں سوال پُچھیا تہاڈے نیڑے بہترین کامیڈین کون اے بلال مقصود نے آکھیا کہ مینوں عمر شریف بہت پسند نیں۔ جد کہ انور مقصود نے ایس گل دا جواب دیندیاں ہوئیاں آکھیا کہ اوہناں دے نزدیک بہترین کامیڈین شیخ رشید نیں۔ جد کہ وفاقی وزیر برائے منصوبہ بندی اسد عمر نوں اوہناں نے بہترین اداکار آکھ دیا۔

اپنا تبصرہ گھلو