کارکناں دا خون رائیگاں نہیں جان دیاں گے،ڈاکٹر شہباز گل
اسلام آباد( پنجابی میڈیا گروپ)وزیراعظم دے معاون خصوصی برائے سیاسی ابلاغ ڈاکٹر شہبازگل ہوراں آکھیاکہ واضح شکست نظر آن اُتے آزاد کشمیر الیکشن دے دوران مخالفاں دی غنڈہ گردی نال شہید ہون والے کارکناں دے لواحقیناں نال دلی تعزیت کردے واں۔اپنے ٹویٹس وچ اوہناں نے آکھیا کہ اوہناں کارکناں دا خون رائیگاں نہیں جان دیواں گے تے ذمہ داراں نوں سخت سزا دلوان لئی پاکستان تحریک انصاف ہر حد تک جائے گی۔ مقامی انتظامیہ مجرماں دے خلاف فوری کارروائی کرے۔اوہناں نے آکھیا کہ نواز محب ملاقات وچ طے شدہ پروگرام دے مطابق مسلم لیگ(ن)دھاندلی دا شور مچائے گی۔ایس دے نال نال تشدد،فائرنگ،جلادی کوشش وی کیتی جائے گی،اوہناں دا کہنا سی کہ مودی دی ایما اُتے الیکشن دی ساکھ اُتے اعتراض تے سوال کیتے جان گے تے افراتفری دی کوشش ہو گی لیکن اوہناں ساریاں نوںکو نکامی ہوئے گی۔
Load/Hide Comments





















