گیس 214فیصد تک مہنگی کرن دی سمری تیار، ای سی سی نوں گھل دتی

اسلام آباد: سرکار نے گھریلو صارفین لئی گیس دی قیمت وچ 214فیصد تک جد کہ کمرشل صارفین لئی 245فیصد وادھے دی تیاری مکمل کر لئی، پٹرولیم ڈویژن ولوں سمری ای سی سی نوں گھل دتی گئی۔پٹرولیم ڈویژن دی سمری دے مطابق اسلام آباد، پنجاب تے خیبر پختونخوا لئی گیس 192فیصد تک جد کہ سندھ تے بلوچستان دے صارفین لئی 214فیصد وادھے دی تجویز اے، سوئی ناردرن دے کمرشل صارفین لئی گیس دی قیمت وچ 221فیصد تے سوئی سدرن دے صارفین لئی 245فیصد وادھے دی وی سفارش کیتی گئی اے۔

سمری وچ گھریلو صارفین لئی میٹر رینٹ وچ 300فیصد وادھے دے نال میٹر رینٹ 20روپے توں ودھا کے 80روپے کرن دی تجویز دتی گئی اے، منظوری دی صورت وچ نویں قیمتاں دا اطلاق یکم فروری 2020توں ہووے گا۔