اسلام آباد:تعلیمی ادارے کھولن دا نوٹیفیکیشن جاری

اسلام آباد( پنجابی میڈیا گروپ)وفاقی حکومت نے اسلام آباد دے تعلیمی ادارے کھولن دا فیصلہ کرلیا۔وفاقی وزارت تعلیم نے تعلیمی ادارے کھولن بارے نوٹیفیکیشن جاری کر دتا جس دے مطابق گرمیاں دیاں چھٹیاں توں بعد تعلیمی ادارے2اگست توں کھول دتے جان گے،تعلیمی اداریاں دے اسٹاف لئی کورونا ویکسینشن لازمی قرار دتی گئی اے۔
وزارت تعلیم نے ہدایت کیتی کہ تعلیمی اداریاں وچ کورونا ایس او پیز اُتے سختی نال عملدرآمد نوں یقینی بنایا جائے، ویکسی نیشن دے بغیر اسٹاف نوں متعلقہ اداریاں وچ داخل نہیں ہون دتا جائے گا،ضلعی انتظامیہ اچانک کسی وی تعلیمی ادارے دا دورہ کر سکدی اے،پرائیویٹ تعلیمی ادارے اپنے اسٹاف دی ویکسینیشن نوں یقینی بنان۔