زبردستی کورونا ویکسی نیشن دے خلاف درخواست مسترد ے

کراچی( پنجابی میڈیا گروپ)سندھ ہائیکورٹ نے کورونا وائرس جبری ویکسی نیشن دے خلاف درخواست مسترد کردئیاں ہوئیاں درخواست گزار اُتے25ہزار روپے جرمانہ وی عائد کردتا۔
جسٹس محمد شفیع صدیقی تے جسٹس آغا فیصل اُتے مشتمل دو رکنی بینچ دے روبرو کورونا وائرس جبری ویکسی نیشن دے خلاف درخواست دی سماعت ہوئی۔
جسٹس شفیع محمد صدیقی نے ریمارکس دتے کہ کورونا وائرس دا شکار شخص چلدا پھردا بم اے۔حکومت نوں صرف تہاڈی صحت دی ہی فکر نہیں۔تہاڈے نال ہوراںدی وی صحت دا معاملہ اے۔
عدالت نے جبری ویکسی نشن دے خلاف درخواست مسترد کردتی تے درخواست گزار سہیل حمید ایڈووکیٹ اُتے25ہزار جرمانہ وی لگا دتا۔جسٹس محمد شفیع صدیقی نے ریمارکس دتے کہ کورونا دا شکار اک بندہ دو سو لوکاں نوں بیمار کرے گا۔ایہ اک خطرناک بیماری دسی جا رہی اے۔ایہ دسو،زبردستی ویکسی نیشین تہاڈے کیہڑے کم نوں متاثر کر رہی اے؟زبردستی ویکسین دا نوٹیفکیشن کیتھے اے؟
درخواست گزار سہیل حمید ایڈوکیٹ نے دائر درخواست وچ موقف اپنایا سی کہ قنون سازی توں بغیر لوکاں نوں کورونا ویکسی نیشن لئی مجبور نہیں کیتا جاسکدا۔آئین دے مطابق قنون سازی دے بغیر عوام انتظامی احکامات مانن دی پابند نہیں۔ وفاقی تے صوبائی حکومتاں دے انتظامی اختیارات آئین دے پابند نیں۔کورونا ویکسی نیشن توں بغیر سفری پابندی غیر آئینی اے۔ حکومت نوں قنون سازی تے عوام دی عزت نفس دا خیال رکھن دا حکم دتا جائے۔ درخواست وچ وفاقی تے صوبائی حکومتاں, وزات قنون،وزارت صحت تے وزات داخلہ نوں فریق بنایا گیا سی۔