بتی دی قیمت 7پیسے فی یونٹ گھٹ کرن دی منظوری

اسلام آباد( پنجابی میڈیا گروپ)بتی دی قیمت7پیسے فی یونٹ گھٹ کرن دی منظوری دے دتی گئی۔ میڈیا دے مطابق بتی صارفین لئی چنگی خبر اے کہ اوہناں نیپرا ولوں معمولی ریلیف دتا گیا اے،تے بتی دی قیمت وچ7پیسے فی یونٹ گھٹ کرن دی منظوری دے دتیاے۔ جس دا اطلاق اکتوبر2021توں ہوئے گا۔نیپرا دے مطابق ٹیرف گھٹ کرن دا اطلاق1ورھے تک لاگو رہے گا،اتھارٹی نے ایڈجسٹ منٹس دی منظوری دا فیصلہ وفاقی حکومت نوں گھل دتااے،مالی سال21-2020دی تیجی سہ ماہی ایڈجسٹمنٹ دی منظوری دتی گئی اے،ڈسکوز نے نیپرا نوںسہ ماہی ایڈجسٹ منٹس دی درخواست دتی سی،اطلاق ڈسکوز دے سارے صارفین ماسوائے لائف لائن صارفین اُتے ہوئے گا،جد کہ کے الیکٹرک صارفین اُتے قیمتاں گھٹ کرن دااطلاق نہیں ہوئے گا۔