آٹے دا بحران، 3لکھ ٹن گندم درآمد کرن دی منظوری
اسلام آباد: وفاقی کابینہ دی اقتصادی رابطہ کمیٹی نے دیس وچ آٹے دے بحران دے پیش نظر تن لکھ ٹن گندم درآمد کرن دی منظوری دے دتی اے۔
مشیر خزانہ عبدالحفیظ شیخ دی سربراہی وچ کابینہ دی اقتصادی رابطہ کمیٹی دا اجلاس ہویا جہدے وچ ملک وچ جاری گندم دے بحران تے تبادلہ خیال ہویا۔
کمیٹی نوں دتی گئی بریفنگ وچ دسیا گیا کہ پاسکو تے پنجاب دے کول 41لکھ ٹن گندم دے ذخائر موجود نیں، کمیٹی نے آٹے دی قلت تے قابو پان لئی پنجاب تے پاسکو نوں فوری طور تے گندم جاری کرن دی ہدایت کیتی۔ کمیٹی نے تن لکھ ٹن گندم درآمد کرن دی وی منظوری دے دتی، گندم درآمد کرن دی اجازت 31مارچ تک دتی گئی اے جد کہ درآمدی گندم دی پہلی کھیپ 15فروری تک پاکستان اپڑے گی۔
واضح رہوے کہ کجھ مہینے پہلاں ای سی سی نے ای گندم برآمد کرن دی منظوری دتی سی جہدے بعد 6لکھ ٹن گندم دوجے ملکاں نوں برآمد کیتی گئی سی۔
