وزیراعظم دی نکے دکانداراں تے غیر ضروری ٹیکسز ختم کرن دی ہدایت

اسلام آباد: وزیراعظم نے نکے دکانداراں تے غیر ضروری ٹیکسز ختم کرن دی ہدایت کر دتی۔

عمران خان آکھیا اے غریب کاروباری بندیاں نوں بے جا تنگ نہ کیتا جاوے۔ وزیراعظم نے وزرائے اعلیٰ تے بورڈ آف انویسٹمنٹ نال مشاورت کیتی تے انسپکشن تے غیر ضروری سرٹیفکیٹس دے ناں تے لئے جان والے ٹیکساں دا نوٹس لیا۔

عمران خان نے ہدایت کیتی کہ 15نکے کاروبار تے ٹیکس ختم کیتا جاوے، صوبائی حکومتاں لوکل گورنمنٹ کمیشن نوں ہدایات جاری کرن، غیر ضروری سرٹیفکیٹس دے ناں تے ہراساں کرن دی اجازت نہیں دے سکدے، نکے دکانداراں نوں پرسکون ماحول فراہم کرنا ترجیح اے۔ عمران خان دی آبزرویشن تے صوبائی حکومتاں متحرک ہو گئیاں، 15نکے کاروبار تے غیر ضروری ٹیکس ختم کیتا جا رہیا اے، 74وکھو وکھ کاروبار تے انسپکشن دی شرط ختم کر دتی جاوے گی۔