وزیراعلیٰ پنجاب کمیٹی د ی مخالف دے باوجود لہور جمخانہ دے مستقل ممبر بن گئے
لہور: وزیراعلیٰ پنجاب عثمان بزدار نوں لہور جمخانہ دی مستقل ممبر شپ دے دتی گئی، 3ہزار بندیاں نوں نظر انداز کردیاں ہوئیاں لیز پالیسی تے شرطاں دے خلاف اوہناں نوں ممبر بنایا گیا۔
وزیراعلیٰ دی ممبر شپ فیس 14لکھ روپے کیہنے ادا کیتی؟ ممبران نے تفصیلات ساہمنے لیان دا مطالبہ کردیاں ہوئیاں آکھیا اے 60توں ودھ بندیاں نوں من پسند فارمولے دے تحت ممبر بنایا گیا جو مناسب نہیں اے۔ ممبران نے مطالبہ کیتا تن ورھے وچ سینکڑاں بندیاں دی ممبر شپ دا دوبارہ جائزہ لیا جاوے۔
ممبر شپ لئی ضروری اے کہ پہلے امیدوار دا انٹرویو کیتا جاوے پر عثمان بزدار دا انٹرویو نہیں لیا گیا۔ وزیراعلیٰ دی ممبر شپ دا نمبر آر13111اے۔
ذرائع دے مطابق کمیٹی ممبران نے وزیراعلیٰ پنجاب دی ممبر شپ دی مخالفت کیتی سی پر چیئرمین کامران لاشاری نے اختیارات دا غلط استعمال کردیاں ہوئیاں ممبر بنایا تاں جے اوہ والڈ سٹی دے ڈی جی دے عہدہ تے ہور تعینات رہ سکن۔کامران لاشاری گروپ دے ممبران نے آکھیا ایہ الزامات بے بنیاد نیں پر ایہناں دی تحقیقات ہونی چاہیدی اے جد کہ کامران لاشاری آکھیا وزیراعلیٰ پنجاب نوں لہور جمخانہ دی ممبر شپ دتی گئی۔ ایہناں دے دور وچ بہت مثبت تے چنگے کم ہوئے نیں۔
