وزیراعظم عمران خان ماحولیات دی ترجمانی کرن والی 5عالمی شخصیات وچ شامل

وزیراعظم عمران خان نوں معروف جریدے ٹائم نے ماحولیات دی ترجمانی کرن والی دنیا دی پنج شخصیات وچ شامل کر دتا اے۔

ماحولیاتی تبدیلیاں دے خلاف آواز چُکن تے وزیراعظم عمران خان دی عالمی سطح تے پذیرائی ہو رہی اے۔ ٹائم میگزین نے وزیراعظم عمران خان نوں ماحولیات دی ترجمانی کرن والی دنیا دی پنج شخصیات وچ شامل کردیاں ہوئیاں اوہناں دی تصویر پہلے ورقے تے چھاپی اے۔

عالمی اقتصادی فورم دے تعاون نال عالمی جریدے نے عمران خان دے نال جرمن چانسلر اینگلا مرکل، مائیکرو سافٹ دے بانی بل گیٹس، یورپ دے مرکزی بینک دی صدر کرسٹین لیگارڈ تے ایمازون دے مالک جیف بیزوس دیاں تصویراں وی شائع کیتیاں۔ وزیراعظم عمران خان 22جنوری نوں عالمی اقتصادی فورم وچ خصوصی خطاب کرن گے تے ماحولیاتی تبدیلی دے مسئلے نوں اجاگر کرن گے۔