اسمارٹ لاک ڈاؤن توں بعد سمارٹ جنگل لئی ٹیکنالوجی دا استعمال کیتا جائے گا:عمران خان
لہور(پنجابی میڈیا گروپ)وزیراعظم عمران خان ہوراں آکھیاکہ اسمارٹ لاک ڈاؤن توں بعد سمارٹ جنگل،اسمارٹ فاریسٹ لئی ٹیکنالوجی دا استعمال کیتا جائے گا،پنجاب اسپیڈ شہباز شریف وی راوی پراجیکٹ نوں نہ بناسکے،ہن عثمان بزدار دی حکومت ایس منصوبے نوں مکمل کرے گی،پراجیکٹ نال10لکھ بندیاں نوں نوکریاں ملن گیاں۔ملک وچ جنگلات نوں اپنیاں اکھاں نال تباہ ہندے ویکھیا اے، لہور وچ ماحول دی تباہی ویکھی،اج لہور وچ ماحول بدلن نال پانی دا لیول تھلے جا رہیا اے۔راوی ریور پراجیکٹ لہور ہی نہیں،پاکستان لئی وی اہم اے۔آلودگی نال بالاں تے بزرگاں دیاں جاناں خطرے وچ نیں۔ اسمارٹ لاک ڈاؤن توں بعد ہن اسمارٹ فارسٹ بن رہیا اے،ٹیکنالوجی دے استعمال نال پودیاں دی نشونما وی مانیٹر کرسکاں گے
Load/Hide Comments





















