کرونا پاروں مزید 85افراد جانوں چلے گے

اسلام آباد (پنجابی میڈیا گروپ)سماجی فاصلے، ماسک نوں نظر انداز کرن تے ایس او پیز دی خلاف ورزیاں دے باعث پاکستان وچ کورونا وائرس دی چوتھی لہر زور پھڑن لگی، ملک کورونا مریضاں دے حوالے دے نال مرتب کیتی گئی فہرست وچ فیئر 30 ویں نمبر اتے اپڑ گیا۔نیشنل کمانڈ اینڈ آپریشن سینٹر (این سی او سی) دے اعداد و شمار دے مطابق پاکستان وچ پچھلے 24 گھنٹیاں دے دوران کورونا وائرس دے مزید 4 ہزار 553 کیسز ساہمنے آئے نیں، مزید 85 افراد ایس موذی وباء دے ساہمنے زندگی دی بازی ہار گئے، ایہدے مزید 3 ہزار 413 مریض شفایاب ہو گئے، جدکہ مثبت کیسز دی شرح 7 اعشاریہ 4 فیصد ہو گئی۔پاکستان بھر وچ کورونا وائرس توں ہن تیک 25 ہزار 320 مریض انتقال کر چکے نیں۔