عمران فاروق قتل کیس: برطانوی حکومت نے ایف آئی اے خط دا جواب دے دتا

اسلام آباد: عمران فاروق قتل کیس وچ اک ہور پیشرفت، برطانوی حکومت نے ایف آئی اے خط دا جواب دے دتا۔ وسیلیاں دے مطابق اسلام آباد دی احتساب عدالت وچ جاری کیس وچ گواہواں دے بیانات قلمبند کروان دا عمل جاری اے۔ ایف آئی اے ولوں برطانوی گواہواں دے بیانات قلمبند کرن دا خط لکھیا گیا جہدے تے برطانوی حکومت نے جواب دے دتا اے۔

جوابی خط وچ آکھیا گیا اے برطانوی گواہواں دے بیانات ریکارڈ کران لئی انتظامات مکمل نیں، 3فروری توں 7فروری تک ہینڈن مجسٹریٹ کورٹ لندن وچ ویڈیو لنک نال گواہواں دے بیانات قلمبند کیتے جان، پاکستان ویلے دے مطابق دن 2وجے بیان قلمبند کیتے جان گے۔ وسیلیاں نے دسیا ایف آئی اے نے گواہواں دی فہرست تبدیل کر دتی اے۔ 33

دی بجائے 17برطانوی گواہواں دے بیان ریکارڈ کرائے جان گے، ویڈیو لنک تے مقتول ڈاکٹر عمران فاروق دی اہلیہ دا بیان وی قلمبند کیتا جاوے گا، ایس حوالے نال انسداد ات گردی عدالت وچ ویڈیو لنک دے انتظامات کیتے جان گے۔