برطانیہ،پاکستان نال تعلقات ودھان دا خواہشمنداے:شاہ محمود قریشی
اسلام آباد(پنجابی مجیڈیا گروپ)برطانوی وزیر خارجہ ڈومینک نے آکھیا اے کہ برطانیہ پاکستان دے نال تعلقات ودھان دا خواہشمنداے۔طالبان دی سرکار نوں تسلیم کرنا قبل ازوقت اے،ویکھ رے آں طالبان کیہ رویہ اپناندے نیں۔ عالمی برادری افغان لوکائی دی مالی امداد جاری رکھے گی۔ برطانوی وزیر خارجہ ڈومینک راب نے وزیر خارجہ شاہ محمود قریشی دے ہمراہ مشترکہ نیوز کانفرنس کردیاں ہویاں آکھیا اے کہ شاہ محمود قریشی دے نال مثبت تے تعمیری گل بات ہوئی۔ پاکستان دے نال اپنے تعلقات نوں مزید مستحکم کرنا چاہندے آں۔ افغانستان دے نال برطانوی شہریاں دے انخلاء وچ پاکستان دی مدد ایت شکرگزارآں۔ دوجے پاسے وزیر خارجہ شاہ محمود قریشی داآکھنا سی کہ برطانوی وزیر خارجہ دے نال افغانستان دی تازہ صورتحال سنے دو طرفہ تعلقات اتے گل بات ہوئی۔ پاکستان تے برطانیہ دے تعلقات نوں مزید مستحکم کرن تے گل بات ہوئی ۔ برطانیہ تے پاکستان دی خواہش اے کہ افغانستان وچ امن تے استحکام آئے،۔





















