اسیں چاہندے آں کہ افغانستان وچ حالات مستحکم رہن، فواد چوہدری

اسلام آباد(پنجابی میڈیا گروپ) وفاقی وزیر اطلاعات فواد چوہدری نے آکھیا اے کہ افغان طالبان اتے اثرورسوخ ہے پر کنٹرول نہیں، وزیراعظم نے اشرف غنی نوں چنا نہ کران دی تجویز دتی پر اوہناں نے نہیں منی سی۔اک بیان وچ وفاقی وزیر اطلاعات فواد چوہدری داآکھنا سی کہ افغانستان وچ اینج دی صورتحال نہیں اے کہ لوکائی ملک چھڈ کے نکل جان جدکہ ہنی تیک افغان مہاجر وی پاکستان وچ داخل نہیں ہوئے۔ اسیں چاہندے آں کہ افغانستان وچ حالات مستحکم رہین۔ افغان طالبان اتے اثرورسوخ اے پر کنٹرول نہیں اے تاہم اسیں کوشش کررہے آں کہ کابل ایئرپورٹ جلد کھل جاوے۔ وفاقی وزیر اطلاعات ونشریات فواد چوہدر ی نے مزیدآکھیا اے کہ ، وزیراعظم عمران خان ہوراں نے اشرف غنی نوں چنا نہ کران دی تجویز دتی پر اوہناں نے نہیں منی سی۔اج افغانستان وچ احالات سبھ دے ساہمنے نیں۔ افغان معاملے وچ پاکستان دی تجاویز نوں پہلے وی نہیں سنیا گیا۔

اپنا تبصرہ گھلو