پی ڈی ایم وچ سارے مفاد پرست جمع نیں:وزیراعلی عثمان بزدار
لہور(سٹی رپورٹر)وزیراعلی عثمان بزدار نے آکھیا اے کہ پی ڈی ایم وچ سبھ مفاد پرست جمع نیں، ایہناں دا کوئی ایجنڈا نہیں۔ایہہ راہزناں دے ٹولے اتے مشتمل غیر فطری اتحاد اے۔ وزیراعلی پنجاب عثمان بزدار نے اپنے بیان وچ مزیدآکھیا اے کہ مفاد پرستاں دے ایس ٹولے نے لوکائی نوں گمراہ کرن دی کوشش کیتی۔ لوکائی دی حمایت دے نال پی ڈی ایم دی ہر سازش نکام رہی۔ وزیراعظم عمران خان دی شفاف سیاست دے ساہمنے ایہہ غیر فطری اتحاد دی کوئی حیثیت نہیں۔ قوم دے ٹھکرائے ہوئے عناصرنوں انتشار دی سیاست چھڈ کے مثبت رویہ اختیار کرنا چاہیدا اے۔ وزیراعلیٰ نے مزیدآکھیا اے کہ پی ڈی ایم دی ساری جماعتاں زبانی جمع خرچ اتے لگیاں ہوئیاں نیں۔ وزیراعظم عمران خان دی قیادت وچ سرکار پہلاں توں زیادہ مضبوط اے، مدت وی پوری کراں گے۔
Load/Hide Comments





















