سرکا رکولوں معیشت ای نہیں بلکہ لوکائی دی جان نوں وی خطرہ اے،حمزہ شہباز

مانانوالہ(پنجابی میڈیا گروپ) مسلم لیگ ن دے رہنماء وقائد حزب اختلاف پنجاب اسمبلی حمزہ شہباز شریف نے آکھیا اے کہ سرکا رکولوں معیشت ای نہیں لوکائی دی جاناں نوں وی خطرہ اے،ایکسپائرڈ سٹنٹس لگان دی چھان بین ہونی چاہیدی اے مریضاں دے پیسے واپس کیتے جان ۔شہبازشریف دے بعدتوں ہسپتالاں وچ مفت ادویات بند نیں ۔ اوہ ایہناں خیالات دا اظہار وائس چئیرمین ضلع کونسل شیخوپورہ جہانزیب خان دے نال ملاقات دے دوران کر رہے سن۔حمزہ شہباز ہوراں نے آکھیا پی ٹی آئی سرکار نے مہنگا ترین ایل این جی معاہدہ کیتا اے ایس معاہدہ وچ ملوث عناصر نوں بے نقاب کرکے فور ی سزا دتی جاوے۔ عمران نیازی فوری طور تے تقریریاں توں ویلا کڈ کے ایکسپائرڈ سٹنٹس مریضاں نوں پان والے مجرماں نوں پھڑن۔ ملک وچ ناں نہاد احتساب دا نظام چل رہیا اے۔ حکومتی کارکردگی نہیں بربادی اے۔