وزیر اعلی پنجاب’ترقی سبھ لئی’دے نعرے اُتے عمل کر رہے نیں’فیاض الحسن چوہان

لہور (پنجابی میڈیا گروپ) صوبائی وزیر جیل خانہ جات فیاض الحسن چوہان نے آکھیا اے کہ وزیر اعلی پنجاب”ترقی سبھ لئی’ دے نعرے اتے عمل پیرا نیںاوہ دن ہوا ہوئے جدوں پسماندہ علاقیاں لئی مختص فنڈز من پسند اضلاع وچ لگائے جاندے سن۔ اپنے بیان وچ فیاض چوہان ہوراں نے آکھیا اے کہ پنجاب دے چپے چپے وچ فنڈز تے ترقیاتی منصوبیاں دی یکساں تقسیم ہو رہی اے۔راولپنڈی، لہور ہو وے یا کوہ سلیمان، ہر جگہ ضروری ترقیاتی کم تیزی دے نال جاری نیں۔ فورٹ منرو لئی تقریبا 90 کروڑ توں آٹھ منصوبیاں دا افتتاح تے سنگ بنیاد ایس سلسلے دی کڑی اے۔ فورٹ منرو واٹر سپلائی، ریسکیو سٹیشن، سکولاں تے ریزارٹ اپ گریڈیشن، سڑکاں دی تعمیر شامل نیں۔فیاض چوہان ہوراں نے مزیدآکھیا اے کہ بزدار سرکار دا نعرہ ،سارا پنجاب ساڈا، دی بنیاد اتے اے ،ہن کسی علاقے، کسی ضلع دے نال وسائل دی تقسیم اتے زیادتی نہیں ہووے گی۔