کورونا فنڈ ،:عمران صاحب نے 1200 ارب تے بزدار نے پنجاب وچ 15 ارب دی دیہاڑی لائی، مریم اور نگزیب

اسلام آباد (پنجابی میڈیا گروپ)پاکستان مسلم لیگ (ن) دی ترجمان مریم اورنگزیب نے آکھیا اے کہ کورونا فنڈ ،وفاق وچ عمران صاحب نے 1200 ارب تے بزدار نے پنجاب وچ 15 ارب دی دیہاڑی لگائی،اپنے بیان وچ اوہناں نے مزیدآکھیا اے کہ مریض تے بیمار دی پنج سو ارب دی دوائی کھا گئے تے مافیا دی جیباں بھریاں جارہیاں نیں ۔آٹا، چینی ،دوائی، بجلی، گیس تے ایل این جی سنے ہر چیز اتے ایہہ سرکار صرف مال بنائو تن سال دی کل کارکردگی اے۔ مریم اورنگزیب نے آکھیا ہسپتالاں وچ ایکسپائیرڈ سٹنٹس لگائے جا رہے نیں تے مافیا دی جیباں بھریاں جارہیاں نیں ۔اوناں نے مزیدکھیا اے کہ پنجاب وچ کورونا فنڈ وچ 15 ارب دی گڑبڑ اتے عمران صاحب تے وزیر اعلی مستعفی ہون، مجرماں نوں پھڑیاجاوے۔

اپنا تبصرہ گھلو