ا فغانستان وچ ایمان جت گیا ،اسلحہ ہار گیا ،سراج الحق
اسلام آباد (پنجابی میڈیا گروپ)امیر جماعت اسلامی سراج الحق نے آکھیااے کہ امریکہ چھیالیس ملکاں دے نال شکست توں دوچار ہویا،ا فغانستان وچ ایمان جت گیا ،اسلحہ ہار گیا ۔افغانستان دی آزادی دے نال کشمیر و فلسطین دی آزادی دی راہاں سدھیاں ہوگئیاں نیں۔ سید علی گیلانی دا مشن وی ضرور کامیاب ہووے گا۔ کشمیربنے گا پاکستان لئی قومی پلان ساہمنے لے آیا جاوے۔ جمعہ نوں بزرگ کشمیری رہنما سید علی گیلانی داغائبانہ نماز جنازہ دی ادائیگی دے بعد میڈیا دے نال گل بات کردیاں ہویاں سراج الحق نے آکھیااے کہ اج پاکستان تے افغانستان وچ یوم تشکر منایا جارہیا اے۔ مسلسل بیس سال لوکائی اتے گولیاں دی بارش کیتی گئی تے آزادی نوں سلب کیتا گیا۔ افغان عوام نے انگریزاں، روسیاں تے ہن امریکیاں دا مقابلہ کیتا دنیا دے چھیالیس افواج تے جدید اسلحہ دے باوجود تکبر تے غرور نوں شکست ہوئی۔
Load/Hide Comments





















