وزیر خارجہ دا برطانوی ہم منصب نال رابطہ، خطے وچ کشیدگی تے خدشات توں آگاہ کیتا
اسلام آباد: وزیر خارجہ شاہ محمود قریشی نے اپنے برطانوی ہم منصب ڈومینک راب نال ٹیلی فونک رابطہ کرکے اوہناں نوں خطے وچ کشیدگی تے پاکستان ولوں ممکنہ خدشات توں آگاہ کیتا اے۔
وسیلیاں دے مطابق دوواں رہنماواں وچکار باہمی دلچسپی دے اہم علاقائی تے دوطرفہ معاملات تے تبادلہ خیال وی ہویا۔
شاہ محمود قریشی نے زور دتا خطے دی کشیدہ صورتحال نوں معمول تے لیان لئی سنجیدہ کوششاں دی لوڑ اے۔ وزیر خارجہ شاہ محمود قریشی اوہناں نوں خطے وچ کشیدگی دے خاتمے لئی پاکستان دیاں کاوشاں تے مقبوضہ کشمیر وچ انسانی حقوق دی سنگین خلاف ورزیاں توں آگاہ وی کیتا۔
اوہناں آکھیا برطانوی حکومت نہتے کشمیریاں نوں بھارتی بربریت توں نجات دوان تے مسئلہ دے پرامن حل لئی موثر کردار ادا کرے۔
دوواں رہنماواں وچکار افغان امن عمل تے وی گل بات ہوئی۔ وزیر خارجہ نے برطانوی ہم منصب ڈومینک راب نوں دورہ پاکستان دی دعوت وی دتی۔
