پاکستانی:56واںیوم دفاع جوش وجذبے نال منان گے
اسلام آباد(پنجابی میڈیا گروپ)پاکستانی قوم اپنا 56واںیوم دفاع اج روایتی جوش وجذبے دے نال مناوے گی۔ایس سلسلے وچ ملک بھر وچ مختلف تقریباتً دااہتمام کیتا جاوے گا۔ پوری قوم ایس دن نوں ایس عزم دی تجدید دے نال مناندی اے کہ وطن عزیز دی سلامتی تے خود مختاری لئی کسی وی قربانی توں دریغ نہیں کیتا جاوے گا۔ 6ستمبر یوم دفاع نوں صبح داآغاز ملک بھر دی ساریاں چھوٹیاں وڈیاں مساجد وچ نماز فجر دے بعد شہدا لئی قرآن خوانی تے ملک وقوم دی سلامتی تے استحکام لئی خصوصی دعاوئواں دے نال ہووے گا۔ ایس روز وفاقی دارالحکومت وچ 31تے صوبائی دارالحکومتاں وچ21اکیس توپاں دی سلامی پیش کیتی جاوے گی جدکہ وطن دے دفاع لئی جاناں دا نذرانہ پیش کرکے نشان حیدر اعزاز پان والے شہداء دی یادگاراں اتے پھول چڑھان دی تقریبات منعقد ہون گی۔
Load/Hide Comments





















