صحت دا شعبہ ساڈی سرکار دی اولین ترجیح اے، ڈاکٹر فیصل سلطان
اسلام آباد(پنجابی میڈیا گروپ) وزیر اعظم دے معاون خصوصی برائے صحت ڈاکٹر فیصل سلطان نے آکھیا اے کہ صحت دا شعبہ ساڈی سرکار دی اولین ترجیح اے۔وزیر اعظم عمران خان دے معاون خصوصی برائے صحت ڈاکٹر فیصل سلطان نے آبپارہ ایم سی ایچ سینٹر دا اچانک دورہ کیتا تے سینٹر وچ دتی جان والی ماں بچے دی صحت دی سہولیات دا تفصیلی جائزہ لیا ۔ڈاکٹر فیصل سلطان نے علاج لئی آن والے مریضاں کولوں علاج دی سہولیات بارے وچ پچھیا۔ایس موقع اتے ڈاکٹر فیصل سلطان نے آکھیا کہ سرکار ماں تے بیٹے دی صحت اتے خصوصی توجہ دے رہی اے تے لوکائی نوں صحت دی طبی سہولیات دی فراہمی نوں یقینی بنان لئی موثر اقدامات کیتے جارہے نیں۔اوہناں نے آکھیا اے کہ صحت دا شعبہ ساڈی سرکار دی اولین ترجیح اے۔ جدکہ ڈاکٹرز تے پیرا میڈیکل سٹاف دکھی انسانیت دی خدمت لئی جذبے تے لگن دے نال کم کرن۔
Load/Hide Comments





















