6ستمبر تریخی فتح دا دیہاڑ اے،شہبازشریف
لہور(پنجابی میڈیا گروپ) قومی اسمبلی وچ قائد حزب اختلاف شہباز شریف نے آکھیا اے کہ معیشت نوں مضبوط کیتے بغیر ملک ترقی نہیں کر سکدا۔ قومی اسمبلی وچ قائد حزب اختلاف شہباز شریف نے یوم دفاع دے موقع اتے شہدائے 6 ستمبر دے ہیروز تے غازیاں نوں سلام پیش کردیاں ہویاں آکھیا اے کہ اج دے دیہاڑ اللہ تعالی نے سانوںکئی گنا وڈے دشمن اتے فتح عطا فرمائی سی تے اج قوم تے مسلح افواج دے اتحاد دے نال تاریخی فتح دا پرمسرت دیہاڑ اے۔ شہبازشریف نے آکھیا موٹروے اج دفاع وطن دے عظیم مقصد لئی استعمال ہو رہی اے اگر اللہ نے موقع دتا تے مسلح افواج تے دفاع وطن نوں مزید طاقتور تے توانا بنواواں گے۔ پچھلے وزیراعلیٰ پنجاب نے آکھیا نوازشریف نے قوم نوں ایٹمی قوت بنا دتا پر ۔ہن سانوں معاشی میدان وچ پاکستان نوں مضبوط بنانا ہووے گا تے ملک دی معیشت نوں مضبوط کیتے بغیر ترقی ممکن نہیں۔صدر مسلم لیگ ن شہبازشریف ہوراں نے آکھیا کہ مہنگائی دے طوفان نوں نہ سنبھالیا گیا تے ایہہ سرکار نوں بہا کے لے جاوے گا۔





















