6ستمبردفاعی تریخ دا روشن باب اے،وزیراعلیٰ پنجاب

لہور( پنجابی میڈیا گروپ)وزیراعلی عثمان بزدار نے آکھیااے کہ 6 ستمبر 1965 دا دن پاکستان دی دفاعی تاریخ دا روشن باب اے۔ پاک افواج نے بزدل دشمن دی جارحیت دا مونہہ توڑ جواب دتا۔ وزیراعلی پنجاب عثمان بزدار نے یوم دفاع و شہدا اتے اپنے پیغام وچ آکھیا اے کہ پاک دھرتی دے عظیم سپوتاں نے دفاع وطن دی خاطر بہادری دی بے مثال داستانا ںرقم کیتیاں، وطن دے دفاع دے جذبے دے نال سرشار مسلح افواج دے افسراں تے جواناں نے دشمن دے مذموم عزائم نوں خاک وچ ملایا، تاریخ عالم پاک فوج دی بہادری دی لازوال داستاناں رقم کرن دی کوئی دوجی مثال پیش کرن توں قاصر اے، مکار دشمن نوں دندان شکن جواب دین والے شہدا ج وی قوم دے دلاں وچ زندہ نیں۔عثمان بزدار نے پاک دھرتی دے عظیم شہدا دی لازوال قربانیاں نوں شاندار الفاظ وچ خراج عقیدت پیش کیتا۔

اپنا تبصرہ گھلو