نیب نے اپنے ملک نوں مفلوج کر دتا:شاہد خاقان عباسی
اسلام آباد(پنجابی میڈیا گروپ)پچھلے وزیر اعظم شاہد خاقان عباسی نے آکھیا اے کہ نیب نے اپنے ملک نوں تے مفلوج کر دتا،ہن دوجے ملکاں دے نال تعلقات خراب کر رہیااے۔ساڈے ایل این جی معاہدے دے نال چھ سالاں وچ بیس ارب ڈالرز دافائدہ ہویا۔ احتساب دے ناں تے سیاسی وفاداریاں تبدیل کرا ن دی کوششاں کیتیاں جارہیاں نیں۔ موجودہ سرکار دے مہنگی ایل این جی خریدن اتے چھان بین نہیں کرے گا۔ ایہناں خیالات دااظہار اوہناں نے منگل نوں احتساب عدالت وچ ایل این جی ریفرنس کیس دی سماعت دے بعد میڈیا دے نال گل بات کردیاں ہویاں کیتا۔پچھلے وزیراعظم شاہد خاقان عباسی نے آکھیا اے کہ تن سالاں توں عدالت وچ پیش ہو رہیا واں پر اج تیک علم نا ہو سکیا کہ کیس کیہ اے؟اوہناں نے مزیدآکھیا کہ نیب نے ملک نوں مفلوج کیتا اے۔
Load/Hide Comments





















