یوم بحریہ اج انتہائی جذبے نال منایا جا رہیااے

کراچی(پنجابی میڈیا گروپ)ملک بھر وچ یوم بحریہ اج انتہائی ملی جوش و جذبے د ے نال منایا جا رہیا اے۔ پاک بحریہ نے یومِ بحریہ دے موقع اتے خصوصی ویڈیوز وی جاری کر دتی۔ ویڈیوز وچ آٹھ ستمبر 1965 دی داستانِ شجاعت نوں بیان کیتا گیا اے۔1965 دی جنگ وچ بری تے فضائی افواج نے دفاع وطن دا فریضہ بھرپور طریقے دے نال انجام دتا پر آٹھ ستمبر دا دیہاڑ پاک بحریہ دے ناوے رہیاں۔ طیارہ بردار جہاز نہ ہون دے باوجود پاک بحریہ نے ایس جنگ وچ بہادری تے پیشہ وارانہ مہارت دی نئی تاریخ رقم کیتی۔ پاکستان دی واحد آبدوز غازی نے اپنے ناں دی لاج رکھدیاں ہویاں غازی رہ کرا وہ کارنامہ انجام دتا کہ دنیا ج تیک حیران اے۔ غازی آبدوز نے تن تنہا بھارتی بیڑے نوں عالمی سمندر وچ پیش قدمی توں روکے رکھیا۔ آپریشن دوارکا وچ پاکستان نیوی نے دشمن دے دلاں اتے لرزہ طاری کیتا تے کموڈور ایس ایم انور دی زیر قیادت دشمن دے چھکے چھڑا دتے سن۔

اپنا تبصرہ گھلو