بھارت پاکستان دے خلاف مسلسل پروپیگنڈا کررہیا اے،فواد چوہدری

اسلام آباد(پنجابی میڈیا گروپ ) وفاقی وزیربرائے اطلاعات و نشریات فواد چوہدری نے آکھیا اے کہ بھارت پاکستان دے خلاف مسلسل پروپیگنڈا کررہیا اے ،بھارتی میڈیا نے اک ویڈیو گیم وچ پنج شیرحملیاں وچ پاکستان دی کارکردگی دا بے بنیاد تے جھوٹھا پروپیگنڈا کیتا۔ افغانستان وچ نگران سیٹ اپ دے اعلان اتے ردعمل دینا ویلے توں پہلاں ہووے گا۔ سانوں کجھ انتظار کرنا چاہید ااے۔ اگر اسیں وزیر خارجہ نوں کابل بھیجدے آں تے اوہ اوتھے کہدے نال ملاقاتاں کرن گے؟اوتھے کوئی وزیرخارجہ موجود ای نہیں۔ غیر ملکی نشریاتی ادارے نوں انٹرویو دیندیاں ہویاں وزیراطلاعات فوادچودھری نے آکھیا اے کہ افغانستان وچ نگران سیٹ اپ دے اعلان اتے ردعمل دینا ویلے توں پہلاں ہووے گا۔ سانوں کجھ انتظار کرنا چاہید ااے۔میڈیا دی رپورٹس توں پتہ چلیا کہ ترکی تے قطر دی انٹیلی جنس دی عدم موجودگی وچ انٹیلی جنس ادارے اینج فریم ورک تشکیل دیندے نیں۔ سانوں افغانستان دے نال سنگین مسائل درپیش رہے نیں جہناں وچ داعش وچ توسیع، پناہ گزیناں دے مسائل تے ٹی ٹی پی دی افغانستان دے نال مائیگریشن شامل نیں۔فواد چوہدری نے مزیدآکھیا اے کہ طالبان دے نال ساڈی گل بات ہوندی رہی اے۔

اپنا تبصرہ گھلو