پاکستانی معیشت بارے ساڈے خدشے درست نکلے، شہباز شریف
لہور(پنجابی میڈیا گروپ) قومی اسمبلی وچ قائد حزب اختلاف شہباز شریف نے آکھیا اے کہ پاکستانی معیشت توں متعلق ساڈے خدشات درست نکلے،عالمی فہرست وچ پاکستان دی تنزلی چنگی خبر نہیں اے۔ مسلم لیگ ن دے صدر شہبازشریف نے ابھرتی معیشتاں دی فہرست توں پاکستان دے نکلن اتے تشویش دا اظہارکردیاں ہویاں آکھیا کہ پاکستان دا ناں ابھردی ہوئی معیشتاں دی فہرست توں نکلنا افسوسناک اے تے معیشت توں متعلق عالمی درجہ بندی وچ پاکستان دی تنزلی مصائب دا اعتراف اے۔ شہباز شریف نے مزیدآکھیا کہ مورگن اسٹینلے کیپٹل انٹرنیشنل دی عالمی فہرست وچ پاکستان دی تنزلی چنگی خبر نہیں اے۔ ایم ایس سی آئی دا پاکستان نوں فرنٹیئر مارکیٹس وچ شمار کرنا ملکی معاشی بدحالی دا اعلان اے۔ مسلم لیگ ن دے دور وچ پاکستان نوں دنیا دی 20 ابھردی ہوئی معیشتاںوچ شمار کیتا گیا سی پر ہن پاکستانی معیشت توں متعلق ساڈے خدشات درست نکلے۔





















