میڈیا اتھارٹی بل توں ساریاں نوں فائدہ ہوئے گا ،فواد چوہدری

اسلام آباد(پنجابی میڈیا گروپ) وفاقی وزیر اطلاعات فواد چوہدری نے آکھیا اے کہ اینج دا قانون چاہندے آں جہدا سرکار وی غلط استعمال نہ کرے۔ میڈیا ٹریبونلز لئی میڈیا نمائندیاں کولوں تجاویز منگیاں نیں۔اپنے اک بیان وچ وفاقی وزیر اطلاعات فواد چوہدری ہوراں نے آکھیا اے کہ میڈیا اتھارٹی بل توں سبھ نوں فائدہ ہو وے گا ۔ جدکہ میڈیا اتھارٹی بل دے فریم ورک اتے کم کیتا تے میڈیا نمائندیاں وچ تقسیم کیتا اے۔ اوہناں نے آکھیا میڈیا اتھارٹی بل توں فیک نیوز اتے قابو پایا جا سکے گا۔ فواد چودھری نے مزیدآکھیا اے کہ قانون بنے گا تے سبھ نوں عمل کرنا ہووے گا۔ اینج دا قانون چاہندے آں جہدا سرکار وی غلط استعمال نہ کرے۔ دنیا وچ کسی معاملے اتے تجزیہ کرنا فیک نیوز نہیں اے۔ پر غلط فیکٹس اینڈ فیگر توں لوکائی نوں گمراہ کرنا فیک نیوز وچ آئوندا ے۔

اپنا تبصرہ گھلو