امن لئی بیرونی تے اندرونی قوتاں دے عزم نوں نکام بناواں گے، آرمی چیف

اسلام آباد(پنجابی میڈیا گروپ)آرمی چیف جنرل قمر جاوید باجوہ نے آکھیا اے کہ علاقائی اسٹیک ہولڈرز دے وچکار تعاون خوشحال تے پرامن خطے لئی ضروری اے۔ پاکستان وچ امن و استحکام لئی بیرونی تے اندرونی قوتاں دے عزائم نوں نکام بناواں گے۔آئی ایس پی آر دے مطابق آرمی چیف دی زیرصدارت کورکمانڈرز کانفرنس دا انعقاد کیتا گیا، جہدے عالمی، علاقائی، ملکی سیکیورٹی صورتحال اتے غورکیتا گیا۔آئی ایس پی آر دے مطابق کور کمانڈرز کانفرنس وچ افغانستان دی صورت حال اتے وی غور کیتا گیا۔آرمی چیف نے آکھیا ے کہ بارڈر مینجمنٹ دی وجہ توں پا کستان دی سرحداں تے داخلی سلامتی برقرار اے۔ ڈی جی آئی ایس پی آر داآکھنا اے کہ آرمی چیف نے مختلف خطرات دے خلاف فوج دے تعاون تے کردارنوں سراہیا۔آرمی چیف نے افغانستان توں غیر ملکیاں دے انخلاء لئی فوج دے تعاون تے کردارنوں وی سراہیا۔ آئی ایس پی آر دے مطابق آرمی چیف جنرل قمر جاوید باجوہ نے امن لئی پاکستان دے پختہ عزم دا اعادہ کیتا۔آئی ایس پی آر دے مطابق آرمی چیف نے روایتی تے غیر روایتی خطرات دینال نمٹن لئی مکمل تیاری دی ہدایت وی کیتی۔

اپنا تبصرہ گھلو