بھارتی میڈیا دیاں جعلی خبراں بے نقاب ہو چکیاں:دفتر خارجہ
اسلام آباد (پنجابی میڈیا گروپ) دفتر خارجہ نے پنجشیر وچ پاکستان دے ملوث ہون دا پراپیگنڈا رد کر دتا۔تفصیلات دے مطابق ترجمان دفتر خارجہ نے بین الاقوامی میڈیا دے کجھ حصے وچ پاکستان دے پنجشیر وچ ملوث ہون دا پراپیگنڈا رد کردیاں ہویاں آکھیا اے کہ پاکستان اینج دے سارے الزامات تے پروپیگنڈے نوں رد کردتا اے۔ ترجمان دفتر خارجہ نے ایہہ وی آکھیا اے کہ بھارتی میڈیا دی جعلی خبراں، بدنیتی اتے مبنی نیں،انج دی خبراں پاکستان نوں بدنام کرن تے عالمی برادری نوں گمرہ کرن دی کوشش دا حصہ اے۔ وادی پنجشیر وچ پاکستان دی شمولیت دے بارے وچ ترجمان نے ایہناں الزامات نوں گمراہ کن قرار دتا تے آکھیا کہ بھارتی میڈیا دی جعلی خبراں بے نقاب ہو چکیاں اے۔
Load/Hide Comments





















