علی گیلانی دے انتقال اُتے پوری دنیا ویکھیا کہ بھارت دی کیہ سوچ سی:شاہ محمود
اسلام آباد(پنجابی میڈیا گروپ)پاکستان نے مقبوضہ کشمیر وچ بھارتی جارحیت اتے ڈوزیئر پیش کردتا، 131 صفحات اتے مشتمل دستاویزات وچ بھارتی فورسز دے مظالم دے ناقابل تردید ثبوت موجود نیں۔اسلام آباد وچ وزیر خارجہ شاہ محمود قریشی نے پریس کانفرنس وچ آکھیا کہ 9 لکھ بھارتی فوج مظلوم کشمیری عوام اتے مسلط اے، وادی وچ بھارتی فوج دے محاصرے دے 769 دن ہوچکے، آزاد مبصرین نوں اوتھے جان دی اجازت نہیں، انسانی حقوق دی بدترین پامالی کسی طور مناسب نہیں۔ ڈوزیئروچ 113 حوالے دتے گئے نیں، ڈوزیئر پیش کرن دا مقصد بھارت دی ناں نہاد جمہوریت دا اصل چہرہ دنیا نوں وکھانا ے۔ شاہ محمود قریشی ہورا نے آکھیا اے کہ علی گیلانی دے انتقال اتے پوری دنیا نے ویکھیا بھارت دی کیہ سوچ سی۔ ایہناں دی وفات دے بعد ایہناں دے گھر جان والے رستیاں نوں بند کردتا گیا۔ اہلخانہ نوں ہراساں کیتا گیا١ وہناں دے خلا ف مقدمات درج کرلے گئے۔ مقبوضہ کشمیر وچ سال 2014 سے 30 ہزار افراد نوں تشدد دا نشانہ بنایا گیا، 3 ہزار 850 خواتین نوں آبروریزی دا نشانہ بنایا گیا۔





















