بار کونسل دے وکیل، ججاں دی تقرری اُتے میرے کول آ کے گل بات کرن:چیف جسٹس آف پاکستان

اسلام آباد (پنجابی میڈیا گروپ)چیف جسٹس آف پاکستان جسٹس گلزار احمد نے آکھیااے کہ ججز تقرری دے معاملے اتے بار کونسلز دے صدورنوں کئی واری دعوت دی’ بار کونسلز تے وکلاء لئی ہن وی دروازے کھلے نیں۔ بار کونسلز وکلاء میرے کول آن ججز تقرری اتے گل بات کرن۔ایہہ گل چیف جسٹس گلزار احمد نے پیر نوں ایتھیسپریم کورٹ وچ نئے عدالتی سال دے اغاز اتے منعقدہ فل کورٹ ریفرنس دے نال خطاب وچ آکھی۔ چیف جسٹس گلزار احمددی سربراہی وچ ہون والے فل کورٹ ریفرنس دا آغاز تلاوت کلام پاک توں ہویا۔ جسٹس قاضی فائز عیسیٰ دے علاؤہ عدالت عظمی دے باقی ساریمعزز ججز صاحبان فل کورٹ ریفرنس وچ شریک ہوئے ،جسٹس قاضی فائز عیسیٰ بیرون ملک ہون دے باعث شریک نہ ہو سکے ۔ فل کورٹ ریفرنس وچ وائس چیئرمین پاکستان بار کونسل خوشدل خان دی جگہ پچھلے وائس چیئرمین پاکستان بار کونسل سید امجد شاہ ، صدر سپریم کورٹ بار ایسوسی ایشن لطیف آفریدی دی جگہ سیکرٹری سپریم کورٹ بار احمد شہزاد رانا تے اٹارنی جنرل خالد جاوید خان سنے سارے لاء افسران،سینئر وکلاء تے دفتری عملہ نے وی شرکت کیتی۔چیف جسٹس پاکستان جسٹس گلزار احمد نے فل کورٹ ریفرنس دے نال خطاب وچ آکھیا اے کہ پچھلے سال ہر لحاظ توں پاکستان دنیا بھر لئی مشکل سال سی کرونا دے باعث مقدمات نوں نمٹان دی راہ وچ زیادہ مشکلاں دا ساہمنا رہیا۔ چیف جسٹس گلزار احمد نے مزیدآکھیا کہ ججز تقرری دے معاملے اتے بار کونسلز دے صدور نوں کئی واری دعوت دتی بار کونسلز دے صدر ولوں دسیا گیا اے کہ اوہ پشاور وچ نیں ‘میں نہیں جاندا کہ بار کونسلز نے کیویں یکطرفہ موقف اپناندیاں ہویاں معاملے نو ں چکیا۔ ججز تقرری دے معاملے تے بار کونسلز دی رائے ہمیشہ لئی گئی اے۔ سمجھ نہیں آئوندی ججز تقرری اتے احتجاج دے پچھے اصل محرکات کیہ سن۔

اپنا تبصرہ گھلو