نیب دا وڈا اقدام: ایف بی آئی تے برطانوی ایجنسی نال معاہدیاں دا فیصلہ

اسلام آباد: پاکستان توں کرپشن دے خاتمے لئی قومی احتساب بیورو نے امریکی ایجنسی ایف بی آئی تے برطانوی نیشنل کرائم ایجنسی دے نال معاہدیاں دا فیصلہ کیتا اے۔ وسیلیاں دا کہنا اے قومی احتساب بیورو تے برطانوی نیشنل کرائم وچکار مفاہمتی یادداشت دا مسودہ تیار کر لیا گیا اے جہنوں جلد کابینہ نوں منظوری لئی گھلیا جاوے گا، ایف بی آئی دے نال معاہدے دا ابتدائی مسودہ امریکی ایجنسی نوں بھجوایا گیا جہدے وچ ایف بی آئی ولوں مسودے وچ ترامیم تجویز کیتی گئی اے۔

برطانوی تے امریکی اداریاں نال معاہدیاں دے ڈرافٹ وزارت قنون و انصاف نے تیار کیتے، قومی احتساب بیورو، ورلڈ بینک تے ملائیشین اینٹی کرپشن بیورو دے نال وی معاہدے کرے گا، معاہدیاں تے مفاہمتی یادداشتاں دا مقصد کرپشن دے خاتمے لئی معلومات دا تبادلہ اے۔