کورونا ویکسین نہ لوان والیاں اُتے پابندیاں ہور سخت کرن دا اعلان
اسلام آباد(پنجابی میڈیا گروپ) وفاقی وزیر ترقی و منصوبہ بندی و نیشنل کمانڈ اینڈ آپریشن سنٹر دے سربراہ اسد عمر نے آکھیااے کہ کرونا دے کیسز وچ کمی آئی اے پراجے خطرہ باقی اے۔ ویکسین نہ لگوان والے شہریاں لئی آہستہ آہستہ گھیرا تنگ کردیاں رواں گے۔ ایسیں ایہناں پابندیاں ودھاندے چلے جاواں گے۔ویکسین نہ لگوان والے دوجیاں لئی خطرہ بن سکدے نیں۔پریس کانفرنس دے دوران گل بات کردیاں ہویاں اسد عمر ہوراں نے آکھیا اے کہ چوتھی لہر کمزور پیندی نظر آرہی اے۔ آئندہ پندرہ دیہاڑیاں وچ ایس رحجان وچ مزیداستحکام آوے گا تے کرونا کیسز وچ کمی آوے گی جہدے نال اسپتالاں اتے دبائو گٹھ ہووے گا۔ اسدعمرنے مزیدآکھیا اے کہ وڈے شہراں وچ پندرہ سال توں زائد عمر دی چالیس فیصد آبادی اے جس نوں مکمل طور تًے ویکسینیٹ کرنا اے۔
Load/Hide Comments





















