نیب اوہ ادارہ اے جیہڑا آپئی وی احتساب دے لائق اے، شاہد خاقان عباسی
اسلام آباد(پنجابی میڈیا گروپ)پچھلے وزیراعظم شاہد خاقان عباسی نے آکھیا اے کہ نیب اوہ ادارہ اے جہڑا خود قابل احتساب اے،چیئرمین نیب دی عمر 76 سال ہو چکی پرسرکار لئی ایہناں دی کارکردگی چنگی اے جہڑی ٹرمینل لگان تے ساڈے خلاف کیس چلیا ایہدے نال پاکستان 33 فیصد زیادہ فائدہ چک سکدا سی۔ ایہناں خیالات دا اظہاراوہناں نے احتساب عدالت وچ پیشی دے بعد میڈیا دے نال گل بات کردیاں ہویاں کیتا۔ اوہناں نے ایہوی آکھیا کہ ایس کیس دی وجہ توں اوہ فائدہ پاکستان نوں نہیں مل سکیا سرکار ایسی لئی ایہناں کوولں 80سال تیک کم لینا چاہندی اے۔ تساں ویکھ لو و کہ ملک دا وزیرخزانہ کیہ آکھ رہیا اے ۔پچھلے وزیراعظم شاہد عباسی ہوراں نے مزیدآکھیا اے کہ چیئرمین نیب توں متعلق اپوزیشن لیڈر دے نال کوئی مشاورت نہیں ہوئی۔ جس ملک وچ میڈیا نوں پابند کرن لئی قانون بنائے جان دنیا ایہدے بارے وچ کیہ آکھے گی اج تازہ ترین سکینڈل ملک وچ گندم دا اے سرکار توں متعلق نیب نے خاموشی داروزہ رکھیا ہویا اے۔ اک دن آوے گا جدوں سارے حقائق ساہمنے آن گے۔





















