سیاسی مخالف ہمیشہ روہندے ای رہن گے:عثمان بزدار
لہور(پنجابی میڈیا گروپ)وزیراعلی عثمان بزدار نے آکھیا اے کہ اپوزیشن نے پارلیمانی روایات دی دھجیاں اڑائیاںایہناں دا اخلاق توں ڈگیا رویہ قابل مذمت اے۔ سیاسی مخالفین دی قسمت وچ رونا لکھیا اے ایہہ آئندہ وی روندے رہین گے۔ وزیراعلی پنجاب عثمان بزدار نے اپنے بیان وچ آکھیا اے کہ صدر مملکت ڈاکٹر عارف علوی دا پارلیمنٹ دے مشترکہ سیشن دے نال خطاب قومی اتحاد تے یکجہتی دامظہر اے، وزیراعلیٰ پنجاب نے مزیدآکھیا اے کہ پارلیمنٹ دے 3 سال مکمل ہون تے صدر مملکت نے اپنے خطاب وچ عوامی امنگاں دی ترجمانی کیتی۔عثمان بزدار داآکھنا سی کہ اپوزیشن جماعتاں نے غیر پارلیمانی تے غیر جمہوری رویئے دا مظاہرہ کیتا، صدر مملکت دے خطاب دے دوران شور مچا کے اپوزیشن عناصر نے اخلاقی دیوالیہ پن دا ثبوت دتا۔
Load/Hide Comments





















