پٹرول دا ریٹ ودھانا لوکاں اُتے ظلم اے:حمزہ شہباز
لہور(پنجابی میڈیا گروپ)اپوزیشن لیڈر پنجاب اسمبلی میاں حمزہ شہباز نے آکھیا اے کہ پٹرولیم تے ڈیزل دی قیمتاں وچ اضافہ لوکائی اتے ظلم اے’تبدیلی دا ایہہ سبز باغ پاکستان نوں بوہت مہنگا پے رہیا اے۔ پٹرول تے ڈیزل دی قیمت وچ 5روپے اضافے اتے حمزہ شہباز نے اپنے بیان وچ آکھیا اے کہ پٹرولیم تے ڈیزل دی قیمتاں وچ پنج روپے اضافہ مہنگائی دے سونامی وچ غرق لوکائی اتے ظلم اے١ ناہل سرکار معیشت نوں لے ڈبی اے۔ میاں حمزہ شہبازہوراں نے آکھیا ڈالر وی تاریخ دی بلند ترین سطح اتے اپڑ چکیا اے۔ اوہناں نے مزیدآکھیا اے کہ شوگر بلڈ پریشر دی ادویات وچ وی 17فیصداضافہ ہوگیا اے۔ حکومتی ترجماناں دی فوج ہن لوکائی اتے احسان دھرن نوں پٹرول دی قیمت دے دنیا توں تقابلی جائز دی پریس کانفرنساں کرن گے۔ مہنگائی نوں کنٹرول کرن دی صلاحیت ایس سرکار وچ نہیں۔
Load/Hide Comments





















