الیکشن دا سوچ دے رہیے تے ملک کدی اگے نہیں ودھے گا،عمران خان

اسلام آباد(پنجابی میڈیا گروپ) وزیراعظم عمران خان نے آکھیا ا ے کہ ملک طویل المدتی منصوبہ بندی دے نال ای اگے ودھدے نیں۔ اگر الیکشن دا سوچدے رہئے تے ملک کدی اگے نہیں ودھے گا۔مسلم لیگ ن دے دور وچ سڑکاں دی تعمیر وچ خرچ ہون والے رقم دی چھان بین لئی وفاقی تحقیقاتی ادارے (ایف آئی اے) نوں ذمہ داری سونپ دتی گئی اے۔ سڑکاں دی تعمیروچ کرپشن ملک دا سبھ توں وڈا ڈاکہ اے تے اسیں (ن) لیگ دے دورتوں سستی سڑکاں تعمیر کررہے آں۔ سڑکاں دی تعمیر وچ چوری ہوئے پیسیاں دی چھان بین لئی اپنی ٹیم نوں ہدایت کردتی اے۔ چین دنیا وچ سبھ توں اگے نکل رہیا اے تے ایہدی وڈی وجہ طویل المدتی منصوبہ بندی اے۔ اسلام آبادوچ جھل جھاؤ بیلا روڈ دی بحالی تے اپ گریڈیشن دا سنگ بنیاد رکھن دی تقریب دے نال خطاب کردیاں ہویاں وزیراعظم نے آکھیا کہ ملک وچ سڑکاں بنان وچ قوم دا پیسہ چوری ہوندا رہیا۔ جدوں تیک بلوچستان وچ سڑکاں نہیں بنن گیاں تے ترقی کیویں ہووے گی۔ وزیراعظم عمران خان نے آکھیا کہ غریب ملکاں وچ سبھ توں زیادہ کرپشن اے جہڑے علاقے پچھے رہ گئے نیں ایہناں دی مدد کر رہے آں۔

اپنا تبصرہ گھلو