عوام تریخی مہنگائی دی اگ وچ سڑ رہی سے،بلاول بھٹو

اسلام آباد(پنجابی میڈیا گروپ)پاکستان پیپلز پارٹی دے چیئر مین بلاول بھٹو زرداری نے عمران خان ولوں پٹرول مصنوعات دی قیمتاںوچ اضافے نوں رد کردتا ۔ اپنے بیان وچ بلاول بھٹو زر داری نے آکھیا کہ عوام تاریخی مہنگائی دی اگ وچ جل رہے نیں، پٹرول قیمتاں وچ مزید اضافہ شعلیاں نوں ہوا دین دے مترادف اے۔ بلاول بھٹو نے مزیدآکھیا اے کہ معیشت برباد کرن دے بعد پی ٹی آئی سرکار لئی پٹرولیم مصنوعات اتے ٹیکس ومحصولات آمدنی دا اہم ذریعہ نیں۔چیئرمین پی پی نے مزیدآکھیا اے کہ عمران خان سرکار وچ عوام ریلیف تے کسی چنگی خبر سنن لئی ترس گئے نیں۔ ملک وچ لٹ مار سیل جاری اے۔ خان صاحب نے اپنا تن سالہ دور اقتدار صرف عوا م دا تیل کڈن اتے ضائع کردتا اے۔ ایس ویلے فائدہ صرف اے ٹی ایم نوں دتا جارہیا اے۔

اپنا تبصرہ گھلو