کوروناپاروں ہور27افراد جانوں گے

اسلام آباد(پنجابی میڈیا گروپ)پاکستان وچ کورونا وائرس پاروں مزید27افراد جاں بحق ہوگئے جدکہ مجموعی اموات دی تعداد27 ہزار 893 ہو گئی اے۔نیشنل کمانڈ اینڈ آپریشن سینٹر (این سی او سی)ولوں جاری تازہ اعدادو شمار دے مطابق پچھلے 24 گھنٹیاں دے دوران ملک بھر وچ مزیداک ہزار490 کورونا کیسز رپورٹ ہوئے۔ ملک وچ کورونا کیسز دی مجموعی تعداد 12 لکھ 51 ہزار348 ہوگئی۔این سی او سی دے مطابق پچھلے چوبیس گھنٹیاں وچ ملک بھر وچ 52ہزار415کورونا ٹیسٹ کیتے گئے تے مثبت کیسز دی شرح 2.84 فیصد رہی۔سندھ وچ کورونا دے کیسز دی تعداد 4 لکھ 60ہزار111،خیبر پختونخوا وچ اک لکھ 74 ہزار671، پنجاب وچ 4 لکھ 33 ہزار286، اسلام آباد وچ اک لکھ 5 ہزار733، بلوچستان وچ 32 ہزار981، آزاد کشمیر وچ 34 ہزار234 تے گلگت بلتستان وچ 10 ہزار332 ہو گئی اے۔کورونا دے سبب سبھ توں زیادہ اموات پنجاب وچ ہوئی نیں جتھے 12 ہزار 685 افراد جان دی بازی ہار چکے نیں۔

اپنا تبصرہ گھلو