نیب آرڈیننس اُتے تنقید کرن والیاں نوں معافی منگنی چاہیدی اے : فرخ حبیب

اسلام آباد(پنجابی میڈیا گروپ)فرخ حبیب داآکھنا اے کہ لٹ مار ن لیگ دی قیادت دا محبوب مشغلہ رہیا۔ اپوزیشن دی 34 شقاں وچ این آر اوسی،نیب آرڈیننس اتے تنقید کرن والیاں نوں معافی منگنی چاہیدی اے۔ایہہ لوکائی نیب نوں نکام ادارہ بنانا چاہندے نیں۔ وزیر مملکت اطلاعات فرخ حبیب نے اسلام آباد وچ میڈیا دے نال گل بات کرزدیاں ہویاں آکھیا اے کہ اپوزیشن رہنمائواں اتے نیب دے کیسزنیں، مسلم لیگ ن دی قیادت نے منی لانڈرنگ کیتی تے بیرون ملک اثاثے بنائے، شہباز شریف اتے 7 ارب روپے دا ٹی ٹیز دا کیس اے، ایہناں دے دوواں پتراں اتے وی نیب کیسز نیں۔ فرخ حبیب داآکھنا سی کہ چیئرمین نیب دی تقرری دے حوالے دے نال پہلاں قانون خاموش سی۔ ایہناں دی تقرری اتے اسیں آئین دے نال راستہ لیا۔ اسیں چیئرمین نیب دی تقرری اتے پارلیمان نوں عزت دتی، معاملہ پارلیمانی کمیٹی دے سپرد کیتا۔

اپنا تبصرہ گھلو