پاکستان دے محسن ایٹمی سائنسدان ڈاکٹر عبدالقدیر خان چلنا کر گئے

اسلام آباد(پنجابی میڈیا گروپ)پاکستان دے محسن ایٹمی سائنسدان ڈاکٹر عبدالقدیر خان چلنا کر گے۔ایہناں دی عمر 85ورھے سی۔ دسیا گیا اے کہ پچھلی شب پھیپھڑیاں دے عارضے دے سبب ایہناں دی طبیعت خراب ہوئی جہدے اتے ایہناں فوری طور تے ہسپتال منتقل کیتا گیا۔ آئی سی یو وچ ڈاکٹراں دی جان توڑ کوششاں دے باوجود اوہ جانبر نہ ہو سکے۔محسن پاکستان دی وصیت دے مطابق نماز جنازہ فیصل مسجدوچ ادا کیتی جاوے گی۔ ڈاکٹر عبدالقدیر خان پہلے پاکستانی سن جہناں تن واری صدارتی ایوارڈ توں نوازیا گیا،ایہناں دی ملکی دفاع لئی گراں قدر خدمات ہمیشہ یاد رکھیاں جان گئیاں۔

اپنا تبصرہ گھلو