قوم ڈاکٹرعبدالقدیرخان دی خدمتاں کدی نہیں بھُلے گی:عمران خان
اسلام آباد (پنجابی میڈیا نیوز ) ایٹمی سائنس دان ڈاکٹر عبدالقدیر خان دی وفات اتے صدر مملکت عارف علوی تے وزیراعظم عمران خان آرمی چیف ،تناں سروسز چیفس سنے ملک دی ساری اہم شخصیات نے گہرے دکھ تے افسوس دا اظہار کیتا اے۔ڈاکٹر عبدالقدیر خان نے ملکی دفاع نوں ناقابل تسخیر بنان وچ کلیدی کردار ادا کیتا۔پاکستانی ایٹم بم دے خالق ڈاکٹر عبدالقدیر خان دی وفات اتے صدر پاکستان ڈاکٹر عارف علوی نے آکھیا کہ ڈاکٹر عبدالقدیر خان دی وفات دی خبر سن کے دکھ ہویا ،اوہناں نے آکھیا قوم نوں بچان والے جوہر ی تخفیف نوں فروغ دین وچ مدد کیتی۔ وزیراعظم پاکستان عمران خان نے ڈاکٹر عبدالقدیر خان دی وفات اتے گہرے دکھ تے افسوس دا اظہار کردیاں ہویاں آکھیا اے کہ ایہناں دی خدمات ہمیشہ یادرکھیاں جان گیاں۔ آرمی چیف جنرل قمر جاوید باجوہ سنے تناں سروسز چیف نے ڈاکٹر عبدالقدیر خان دی وفات اتے گہرے افسوس دا اظہار کیتا ۔ آرمی چیف جنرل قمر جاوید باجوہ نے ڈاکٹر عبدالقدیر خان دے انتقال اتے اپنے پیغام وچ آکھیاکہ ملکی دفاع نو ں مضبوط بنان وچ ڈاکٹرعبدالقدیرخان نے اہم کردار کیتا۔ اللہ تعالیٰ مرحوم دے درجات بلند فرمائے۔





















